ບ້ານ ສອງຄອນ ເປັນບ້ານໜຶ່ງທີ່ນອນຢູໃນເມືອງສອງຄອນ ເຊິ່ງຕັ້ງຢູ່ທາງທິດຕາເວັນເວັນອອກຂອງເທດສະບານເມືອງ ສອງຄອນ ແຂວງ ສະຫວັນນະເຂດ ຫ່າງເທດສະບານເມືອງ ປະມານ 13 ກິໂລແມັດ ເຊິ່ງມີປະຊາຊົນອາໃສຢູ່ໜາແໜ້ນ ແລະ ມີເສັ້ນທາງຫຼັກພຽງທາງດຽວ ທີ່ສາມາດເຂົ້າໄດ້ ແລະ ເປັນອີກບ້ານໜຶ່ງທີ່ໄດຮັບການ ສະໜັບສະໜູນ ຈາກໂຄງການ ຄຸ້ມຄອງຊັບພະຍາກອນນ້ຳແບບເຊື່ອມສານ ແລະ ບັບຕົວບົນພື້ນຖານລະບົບນິເວດໃນອ່າງຮັບນ້ຳເຊບັ້ງຮຽງ ແລະ ຕົວເມືອງຫຼວງພະບາງ.
ເນື່ອງຈາກວ່າບ້ານສອງຄອນ ເປັນບ້ານທີ່ມີພື້ນທີ່ຕຳ ແລະ ຢູ່ຕິດກແຄມເຊບັ້ງຫຽງ ດັ່ງນັ້ນໃນແຕ່ລະປີ ຈິິງເຮັດມັກມີ ເຫດການນ້ຳຖ້ວມຂັງ ເນື່ອງຈາກວ່າມີຝົນຕົກໜັກຕິດຕໍ່ກັນຫຼາຍວັນ ຈິງເຮັດໃຫ້ເກີດມີນ້ຳຖ້ວມຂັງພາຍໃນບ້ານ ແລະ ທົ່ງນາຂອງພໍ່ແມ່ປະຊາຊົນ ເປັນຈຳນວນຫຼາຍ ດັ່ງເຫດການໃນໃນປີ 2019 ທີ່ຜ່ານມາ ໄດ້ມີ ພາຍຸເກດສະໜາ ພັດຜ່ານ ເຮັດໃຫ້ຝົນຕົກໜັກເປັນບໍລິເວນກ້ວາງ ໃນທົ່ວ ແຂວງ ສະຫວັນນະເຂດ ກໍ່ຄືຢູ່ສາຍເຊບັ້ງຫຽງຕອນເທິງ ທີ່ມີແມ່ນ້ຳຫຼາຍສາຍ ທີ່ເປັນສາຂາ ຂອງເຊບັ້ງຫຽງ ຈິງເກີດມີ ມວນນ້ຳຈຳນວນຫຼາຍໄຫຼມາຕາມເຊບັ້ງຫຽງ, ເຊຈຳພອນ, ເຊຊຳຊອຍ ແລະ ເຊລະນອງ ເປັນຕົ້ນ, ເນືອງຈາກວ່າ ບ້ານ ສອງຄອນ ແລະ ບ້ານໄກ້ຄຽງທີ່ນອນຢູ່ລຽບຕາມແຄມເຊບັ້ງຫຽງ ໄດ້ຮັບຜົນກະຫຼາຍ ເນື່ອງຈາກວ່າໃນເຂດດັ່ງກ່າວ ເປັນພື້ນທີ່ຕຳ່ ມີລັກສະນະເປັນອ່າງ ຈິ່ງເຮັດໃຫ້ມ່ວນນ້ຳໄຫຼອອກຈາກຈຸດນີ້ຊັກຊ້າເປັນເວລາປະມານໜຶ່ງອາທິດ ຈິງສາມາດລະບາຍນ້ຳອອກໝົດ, ເຫດການນ້ຳຖ້ວມໃນຄັ້ງນີ້ ເຮັດມີ ຜົນກະທົບໂດຍກົງຕໍ່ ພໍ່ແມ່ປະຊາຊົນ ພາຍໃນບ້ານສອງຄອນ ເຊັ່ນ: ໄດ້ມີການອົບພະຍົກພໍ່ແມ່ປະຊາຊົນ ລວມທັງ ຜູ້ເຖົ້າເດັກນ້ອຍ ຄົນພິການ ມາພັກລົບໄພຢູ່ ທີ່ວັດປ່າບ້ານລະຫານຳ້ ບາງຄອບຄົວກໍ່ໄດ້ໄປຢູ່ຕາມເຮືອນພິນ້ອງ, ບາງຄອບຄົວກໍ່ຍັບຍ້າຍຂື້ນໄປເລີຍໆ ຕາມລະດັບນ້ຳ ທີ່ໄຫຼເຂົ້າມາຖ້ວມ, ນອກຈາກນີ້ ຍັງມີສັດລ້ຽງສະວັດຖຸສິ່ງຂອງທີ່ສຳຄັນກໍ່ຄືລົດໃຫຍ່, ລົດຈັກ, ງົວ,ຄວາຍ, ໝູ ແລະ ອື່ນໆ ກໍ່ຍົກຍ້າຍອອກໄດ້ຈຳນວນໜຶ່ງ,ອີກຈຳນວນໜຶ່ງກໍ່ຖືກນ້ຳຖວມ ເສຍຫາຍຈຳນວນຫຼາຍ, ໃນການຊ່ວຍເຫຼືອຂອງທາງ ພາກລັດກໍ່ພົບຄວາມຫຍຸ້ງຍາກຫຼາຍ ຍ້ອນວ່ານ້ຳໄຫຼແຮງເຮືອນ້ອຍ, ເຮືອຂະໜາດກາງບໍ່ສາມາດຈະເຂົ້າເຖິງເຂດດັ່ງກ່າວໄດ້ ຈຳເປັນຕອງລໍຖ້າເຮືອໃຫຍ່ ຂອງກອງກອງທັບ ເຂົ້າຊ່ວຍເຫຼືອ. ເຮັດປະຊາຊົນທີ່ຖືກຜົນກະໃນຄັ້ງນັ້ນຕ້ອງໄດ້ຍົກຍ້າຍລົບອອກໄປຢູ່ຢ່າງກະແຈກກະຈ່າຍ ການຊ່ວຍບໍ່ເປັນຈຸດທີ່ແນ່ນອນ.
ຫຼັງຈາກນ້ຳລົງແລ້ວ ທາງພາກລັດກໍ່ເຫັນຄວາມສຳຄັນຈິ່ງພ້າວເລັງແກ້ແຂບັນຫາ ໂດຍການຈັດທີ່ດິນໃນເຂດພື້ນທີ່ສູງ ນ້ຳບໍ່ເຖິງ ໃນບໍລິເວນໄກ້ ເປັນສູນຫຼົບໄພນ້ຳຖ້ວມຂອງບ້ານສອງຄອນ, ຢູ່ໃນບ້ານ ສອງຄອນ ເປັນບ້ານໜຶ່ງທີ່ໄດ້ຮັບທຶນ ຊ່ວຍເຫຼືອ ຈາກ ໂຄງການຄຸ້ມຄອງຊັບພະຍາກອນນ້ຳແບບເຊື່ອມສານ ແລະ ບັບຕົວບົນພື້ນຖານລະບົບນິເວດໃນອ່າງຮັບນ້ຳເຊບັ້ງຮຽງ ແລະ ຕົວເມືອງຫຼວງພະບາງ ດັ່ງນັ້ນ ທາງໂຄງການ ຈະຊ່ວຍທຶນສະໜັບສະໜູນ ສ້າງ ສູນຫຼົບໄພນຳ້ຖວມ ໃນເນື້ອທີ່ 5 ເຮັດຕາທີ່ ເມືອງຈັດສັນໃຫ້ ເພື່ອໃຫ້ພໍ່ແມ່ປະຊາຊົນ ໄດ້ຮັບຄວາມສະດວກ ໃນເວລານ້ຳຖວມ ແລະ ການຊ່ວຍໄດ້ທັນເວລາ, ເມືອງສອງຄອນໄດ້ຮັບເຄື່ອງຊ່ວຍເຫຼືອຂອງໂຄງດັ່ງນີ້: ໄດ້ຮັບເຈະນຳ້ໄຕ້ດິນ 1 ແຫ່ງ, ເຄື່ອງກອງນ້ຳ 1 ຊຸດ, ໂທລະໂຄ່ງ+ແອມ 1 ຊຸດ, ໂທລະໂຄງນ້ອຍປະຊາສຳພັນ 1 ເຄື່ອງ ແລະ ໄດ້ຮັບເຮືອຈັກ 1 ລຳ.