ເພືື່ອນຳໃຊ້ ທີ່ດິນບໍລິເວນນນໍ້າ ໃນເຂດໜອງຫວາຍ-ໜອງແປນ ບ້ານເພຍກ່າໃຫ້ມີຄວາມຍືນຍົງ ແລະ ຍາວ
ນານ, ປູກຈິດສຳນຶກໃຫ້ພໍ່ແມ່ປະຊາຊົນມີຄວາມຮູ້ ແລະ ເຂົ້າໃຈຢ່າງເລິກເຊີ່ງ ແລະ ກວ້າງຂວາງ ໂດຍຍົກສູງຄວາມເປັນເຈົ້າການ ກ່ຽວກັບການອະນຸລັກທີ່ດິນບໍລິເວນນໍ້າ, ຕິດພັນກັບການມີສ່ວນຮ່ວມຂອງຊຸມຊົນ.
ສາມາດເຮັດໃຫ້ເຂດທີ່ດີນບໍລິເວນນໍ້າ ໜອງຫວາຍ-ໜອງແປນ ບ້ານເພຍກ່າ, ມີຫຼັກໝາຍຂອບເຂດທີ່ຈະແຈ້ງ, ມີແຜນທີ່, ມີໃບຕາດີນທີ່ເປັນດີນລວມບ້ານຖາວອນ, ສາມາດເຮັດໃຫ້ພໍ່ແມ່ປະຊາຊົນພາຍໃນບ້ານ ແລະ ບ້ານໃກ້ຄຽງ ເປັນເຈົ້າການໃນການປົກປັກຮັກສາເຂດດິນບໍລິເວນນໍ້າ ໜອງຫວາຍ ແລະ ໜອງແປນ ເພື່ອໃຫ້ລະບົບນິເວດໃນເຂດດັ່ງກ່າວມີຄວາມອຸດົມສົມບູນ ແລະ ມີຄວາມຍືນຍົງ.
ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ, ຫ້ອງການກະສິກໍາ-ປ່າໄມ້ເມືອງ ເປັນເຈົ້າການໃນການປະ ສານກັບການຈັດຕັ້ງທຸກພາກສ່ວນທຸກພາກສ່ວນທີ່ກ່ຽວຂ້ອງຂັ້ນແຂວງມີພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ພະແນກກະສິກໍາ ແລະ ປ່າໄມ້ແຂວງ, ຂັ້ນເມືອງມີທ່ານ ຮອງເຈົ້້າເມືອງ, ຫ້ອງວ່າການເມືອງຫ້ອງການຍຸຕິທໍາເມືອງ, ຫ້ອງການແມ່ຍິງແມ່, ຫ້ອງການຊາວໜຸ່ມເມືອງ, ຫ້ອງການຖະແຫຼງຂ່າວ-ວັດທະນນະທໍາ ແລະ ທ່ອງທ່ຽວເມືອງ, ຫ້ອງການ-ການເງິນເມືອງ, ປກສ, ປກຊ, ເລຂາພັກຮາກຖານກຸ່ມບ້ານທີ 3, ການຈັດຕັ້ງບ້ານເພຍກ່າ, ພໍ່ແມ່ປະຊາຊົນພາຍໃນບ້ານ ແລະ ບ້ານໃກ້ຄຽງຮ່ວມກັນຈັດຕັ້ງປະຕິບັດກິດຈະກໍາຈັດກອງປະຊຸມປຶກສາຫາລືວາງແຜນການປັກຫຼັກໝາຍຮ່ວມກັນ, ດໍາເນີນການສໍາຫຼວດ-ວັດແທກຂອບເຂດດິນບໍລິເວນນໍ້າ ໄດ້ເນື້ອທີ່ທັງໝົດ 84,94 ເຮັດຕາ, ປັກຫຼັກໝາຍຂອບເຂດດິນບໍລິເວນນໍ້າ ນໍາໃຊ້ຫຼັກໝາຍຈໍານວນ 150 ຫຼັກ, ລົງສໍາຫຼວດ-ວັດແທກພິສູດຫຼັກຖານອອກໃບໃຕາດິນ ຫຼັງຈາກສໍາເລັດປັກຫຼັກໝາຍແລ້ວໄດ້ຈັດກອງປະຊຸມສະຫຼຸບລາຍງານຜົນການຈັດຕັ້ງປະຕິບັດກິດຈະກຳປັກຫຼັກໝາຍດິນບໍລິເວນນໍ້າ ແລະ ຈັດກອງປະຊຸມຜ່ານຮ່າງລະບຽບຄຸ້ມຄອງທີ່ດິນບໍລິເວນນໍ້າ ແລະ ຮັບຮອງເອົາກົດລະບຽບຄຸ້ມຄອງທີ່ດິນບໍລິເວນນໍ້າ ພ້ອມທັງຈັດພິມປື້ມກົດລະບຽບ.
ນອກຈາກກິດຈະກໍາການປັກຫຼັກໝາຍແລ້ວທາງໂຄງການ IWRM-EbA ຍັງໄດ້ຊ່ວຍເຫຼືອຕິດຕັ້ງປໍ້ານໍ້າດ້ວຍພະລັງງານອາທິດ ເພື່ອຫຼຸດຜ່ອນລາຍຈ່າຍ, ໄດ້ຮັບເຄື່ອງກອງນໍ້າໃຫ້ປະຊາຊົນໄດ້ດື່ມນໍ້າທີ່ສະອາດ, ໄດ້ຮັບໂທລະໂຄ່ງເພື່ອແຈ້ງເຕື່ອນໄພລ່ວງໜ້າ, ໄດ້ຮັບການຊ່ວຍເຫຼືອເຮືອເພື່ອອົບພະຍົບຄົນ ແລະ ສັດເວລານໍ້າຖ້ວມ ຕາງບ້ານເພຍກ່າ ແລະ ການນໍາຂອງເມືອງຂໍຂອບໃຈມາຍັງໂຄງການທີ່ໄດ້ໃຫ້ການຊ່ວຍເຫຼືອເພື່ອແກ້ໄຂຊີວິດາການເປັນຢູ່ຂອງປະຊາຊົນໃຫ້ນັບມືນັບດີຂື້ນ.