ກົມຊັບພະຍາກອນນ້ຳ ຮ່ວມກັບ ສູນພາກພື້ນຣາມຊາ ອາ​ຊີຕາເວັນອອກ (RRC-EA) ແລະ ອົງການ UNDP ຮ່ວມກັນຈັດກອງປະຊຸມຝຶກອົບຮົມລະດັບຊາດ ກ່ຽວກັບການຄຸ້ມຄອງ​ພື້ນ​ທີ່​ດິນ​ບໍ​ລິ​ເວນ​ນ້ຳ ໂດຍອີງໃສ່ການປັບຕົວບົນ​ພື້ນ​ຖານລະບົບນິເວດ (EbA) ທີ່ແຂວງສະຫວັນນະເຂດ, ເຊິ່ງຈະຈັດຂຶ້ນໃນລະຫວ່າງວັນທີ 10–12 ກັນຍາ 2025. ການຝຶກອົບຮົມໃນຄັ້ງນີ້ ແມ່ນສ່ວນໜຶ່ງຂອງໂຄງການ IWRM-EbA ທີ່ໄດ້ຮັບການສະໜັບສະໜູນຈາກ UNDP ແລະ GEF, ເຊິ່ງຈະເປັນການສ້າງຄວາມສາມາດໃຫ້ແກ່ຜູ້ເຂົ້າຮ່ວມຫຼາຍກວ່າ 50 ທ່ານ ລວມມີ ພະນັກງານລັດ, ນັກວິໄຈ ແລະ ພາກສ່ວນຮ່ວມງານດ້ານການອະນຸລັກ ໃຫ້ມີທັກສະທາງດ້ານເຕັກນິກ ເພື່ອຍົກສູງວຽກງານການອະນຸລັກ​ພື້ນ​ທີ່​ດິນ​ບໍ​ລິ​ເວນ​ນ້ຳ, ການສ້າງຄວາມເຂັ້ມແຂງໃຫ້ແກ່ຊຸມຊົນ ແລະ ການຄຸ້ມຄອງຊັບພະຍາກອນນ້ຳແບບຍືນຍົງ.

On World Water Day 2025, we celebrate the progress made in providing clean water to remote communities, ensuring families have safe water for drinking, washing, and bathing. Despite Lao PDR’s commitment to the 2030 Sustainable Development Goals, many people still lack access to safe water at home, school, and work

ເນື່ອງໃນໂອກາດ ວັນນ້ຳໂລກ ປະຈຳປີ 2025, ພວກເຮົາມາຮ່ວມສະເຫຼີມສະຫຼອງຄວາມຄືບໜ້າຂອງການສະໜອງນ້ຳສະອາດໃຫ້ແກ່ຊຸມຊົນທີ່ຢູ່ຫ່າງໄກສອກຫຼີກ, ເພື່ອຮັບປະກັນໃຫ້ແຕ່ລະຄອບຄົວມີນ້ຳທີ່ປອດໄພສຳລັບການບໍລິໂພກ ແລະ ອຸປະໂພກໃນຊີວິດປະຈຳວັນ. ເຖິງແມ່ນວ່າ ສປປ ລາວ ຈະມີຄວາມມຸ່ງໝັ້ນຕໍ່ການຈັດຕັ້ງປະຕິບັດ ເປົ້າໝາຍການພັດທະນາແບບຍືນຍົງ (SDGs) ຮອດປີ 2030, ແຕ່ປະຊາຊົນຈຳນວນບໍ່ໜ້ອຍຍັງຄົງປະເຊີນກັບສິ່ງທ້າທາຍໃນການເຂົ້າເຖິງນ້ຳທີ່ປອດໄພ ຢູ່ພາຍໃນຄົວເຮືອນ, ໂຮງຮຽນ ແລະ ສະຖານທີ່ເຮັດວຽກ. ດ້ວຍການສະໜັບສະໜູນຈາກ ກອງທຶນສິ່ງແວດລ້ອມໂລກ (GEF) ແລະ ອົງການ ສປຊ ເພື່ອການພັດທະນາ (UNDP), ບັນດາບ້ານເປົ​້າ​ໝາຍໃນແຂວງສະຫວັນນະເຂດ ແມ່ນກຳລັງໄດ້ຮັບຜົນປະໂຫຍດຈາກລະບົບນ້ຳບາດານ ແລະ ຈັກສູບນ້ຳພະລັງງານແສງອາທິດ, ເຊິ່ງຊ່ວຍສ້າງຄວາມເຂັ້ມແຂງໃນການຮັບມືກັບໄພນ້ຳຖ້ວມ ແລະ ໄພແຫ້ງແລ້ງ. ພວກເຮົາຈະຮ່ວມແຮງຮ່ວມໃຈກັນ ເພື່ອຮັບປະກັນວ່າ ຈະບໍ່ມີໃຜຖືກຖິ້ມໄວ້​ທາງຫຼັງ ໃນເສັ້ນທາງແຫ່ງການສ້າງຄວາມໝັ້ນຄົງທາງດ້ານແຫຼ່ງນ້ຳ. 💧💙